Албанската група Кастрати наводно преговара за преземање на концесија за аеродромот во Тирана од кинески инвеститори, пренесуваат тамошните медиуми.
Меѓународниот аеродром Мајка Тереза во Тирана во овој момент е единствениот активен аеродром во Албанија, со којшто од октомври 2016-та година управува инвестициона компанија со седиште во Хонгконг.
Кастрати група преговара за купување на акциите од кинеската фирма Real Fortress Private Limited, којашто е 100% сопственик на акциите на аеродромот во Тирана и се очекува трансакцијата да биде завршена во следните неколку денови.
Инаку, Кастрати е најголема бизнис група во Албанија, којашто се занимава со продажба на горива, а во последните години го прошири бизнисот на други сектори, како што се осигурување, градежништво и туризам.
Прометот на групата во 2019-та година изнесуваше околу 730 милиони евра, што е најдобар резултат од почетокот на нејзиното основање.
Фото: Freepik