Федералните резерви на САД (ФЕД) ја задржаа вредноста на референтната каматна стапка во опсег од 3,5 до 3,75 проценти, додека носителите на одлуки од американската централна банка ги нагласија „неизвесните“ влијанија од војната во Иран, објави CNBC.
ФЕД, исто така, ќе објави нови прогнози за економскиот раст, инфлацијата и каматните стапки за наредните години, познати како Резиме на економските проекции.
Инфлацијата во САД порасна повеќе од очекуваното
Производните цени во Соединетите Американски Држави, мерени според индексот „PPI“, пораснаа за 0,7 проценти месечно, што е најбрзо темпо во последните седум месеци и далеку над очекувањата, објави денес Бирото за статистика на трудот (BLS).
Зголемувањето на цените во февруари е главно последица на зголемувањето на цената на услугите, која се зголеми за 0,5 проценти и учествуваше со повеќе од половина од вкупното зголемување, додека цените на стоките се зголемија за 1,1 процент.
Поточно, цените на домувањето, трговијата на големо со храна и инвестициските услуги пораснаа, додека цените на производителите на храна го забележаа најголемиот пораст од средината на 2021 година, вклучувајќи скок од речиси 49 проценти на цените на зеленчукот, објави Блумберг.