Настаните во Израел би можеле да имаат значително влијание врз економскиот раст и инфлацијата во еврозоната, доколку притисокот врз цените на енергијата не се ограничи, според Goldman Sachs.
Тековните непријателства би можеле да влијаат на европските економии преку пониска регионална трговија, построги финансиски услови, повисоки цени на енергијата и пониска доверба на потрошувачите, истакна во средата европската економска аналитичарка Катја Вашкинскаја.
Расте загриженоста кај економистите дека конфликтот може да се прелее и на Блискиот Исток. Иако тензиите би можеле да влијаат на европската економска активност преку помала трговија со Блискиот Исток, Вашкинскаја истакна дека изложеноста на континентот е ограничена, имајќи предвид дека еврозоната извезува околу 0,4% од БДП во Израел и неговите соседи, додека изложеноста на британската трговија малку повисока од 0,2 % од БДП.
Таа истакна дека заострените финансиски услови би можеле да влијаат на растот и да го влошат постојното забавување на економската активност поради повисоките каматни стапки и во еврозоната и во Велика Британија. Сепак, Голдман не гледа јасна шема помеѓу финансиските услови и претходните епизоди на тензии на Блискиот Исток.
Најважниот и потенцијален начин на кој тензиите би можеле да се прелеат во европската економија се пазарите на нафта и гас, рече Вашкинскаја.
– Од избувнувањето на конфликтот, пазарите на суровини доживеаја зголемена нестабилност, а цените на суровата нафта од типот Брент и европскиот природен гас се зголемија за околу 9% и 34% на својот врв, соодветно – рече таа.
Тимот за стоки на Голдман процени голем број на надолни сценарија во кои цените на нафтата би можеле да се зголемат помеѓу 5% и 20% над основната линија, во зависност од сериозноста на шокот за снабдување со нафта.
Цените на нафтата се нестабилни откако Хамас го започна нападот врз Израел на 7 октомври, а Светската банка предупреди во кварталниот извештај во понеделникот дека цените на суровата нафта може да пораснат до повеќе од 150 долари за барел доколку конфликтот ескалира.
Општата доверба на потрошувачите е последниот потенцијален канал за прелевање, според банката на Волстрит, пренесува Cnbc.
