Audi Q8 E-Tron Edition Dakar е специјален модел инспириран од пустинското рели

17

Edition Dakar e инспириран од вистинскиот тркач RS Q e-tron Dakar и има за цел да го отвори патот за посериозен електричен SUV

„Оф-роудот“ станува тренд. Изминативе 25 години производителите се трудеа своите SUV модели да ги прават што е можно послични на автомобилите и му даваа приоритет на управувањето да делува како кај возилата кои се фокусирани на патот. Сепак, некои SUV модели се враќаат на своите корени со додавање на масивни пневматици, поголем клиренс и различни стилски акценти каде во фокус е дивината.

Последниот кој се вклучува во овој тренд е Audi, кој иако подоцна се приклучи со свој SUV модел во однос на некои други брендови, но сепак има цврсто оф-роуд педигре благодарение на рели подвизите на иконскиот Audi Quattro од почетокот на 1980-тите, а од неодамна и тркачот RS Q e-tron Dakar.

А токму тоа е моделот кој Audi сака да го претстави со новиот Q8 e-tron Edition Dakar, кое чини околу 120.000 евра во Германија. Базиран на Q8 e-Tron 55 со два мотори, тој ги испорачува истите 408 КС во режимот на засилување како и стандардниот модел, и забрзува од нула до 100 км/ч за 5,8 секунди со стандардните друмски гуми, или 5,9 секунди кога се опремени со General Grabber AT3 гума за сите терени што ги испорачува и Audi, давајќи им на возачите вкупно осум тркала.

Најава и за нов, посериозен електричен SUV

Масивните оф-роуд пневматици, исто така, го намалуваат и опсегот на возење, па така Edition Dakar има 487 километри во споредба со 531 км колку што има стандардниот e-Tron 55. Но, тие исто така изгледаат одлично и додаваат 31 милиметри дополнително растојание од подлогата, кое започнува на 206 мм и постепено се намалува додека вашата брзина се движи на другата страна.

Аглите на приближување (20 степени), на поаѓање (26) и на превртување (19) се подобрени, а според првите впечатоци се чини неговата „лесна“ способност за оф-роуд е импресионирачка.

Audi Q8 e-Tron Edition Dakar се одликува со пошироки траги и стандардните шини на покривот, а особено со опционалниот графички пакет кој е сепак ограничен на 99 автомобили. Од Audi велат е дека Edition Dakar служи за да го отвори патот за посериозен теренец кој би можел вистински да одговара на теренските таленти на ривалите.

Преземено од Avtoplus.mk