Австрискиот канцелар Карл Нeхамер во петокот рече дека „сè повеќе луѓе се загрижени дека готовината може да биде ограничена како средство за плаќање во Австрија“. Неговата канцеларија соопшти дека неизвесноста е поттикната од спротивставени информации и извештаи.
– Луѓето во Австрија имаат право на готовина, рече Нехамер.
Според планот што треба да го подготви министерот за финансии Магнус Брунер, правото на кеш ќе биде заштитено со уставот, како и можноста да се плаќа со готовина, а националните банки ќе бидат обврзани да обезбедат неопходен проток на готовина.
Австрија заостанува зад другите европски земји во поглед на дигиталното плаќање и луѓето повеќе се држат до монети и банкноти, особено при помали, секојдневни купувања.
„Секоја година, во Австрија се повлекуваат 47 милијарди евра од банкоматите, а секој Австриец во просек носи 102 евра во кеш. 67% од плаќањата до 20 евра се вршат во готовина“, вели Нехамер.
