Бафет даде 2,9 милијарди долари, дел од донациите одат во фондацијата на Гејтс

53

Извршниот директор на Berkshire Hathaway и некогаш најбогатиот човек Ворен Бафет, во добротворни цели, од почетокот на годината, донираше 2,9 милијарди долари.

Бафет средствата ги дистрибуира во форма на акции на пет фондации. Тој даде ветување дека ќе подари 99% од неговото богатство пред да почине.

Тие пет фондации се: Bill & Melinda Gates Foundation, Susan Thompson Buffett Foundation, Sherwood Foundation, Howard G. Buffett Foundation и NoVo Foundation.

Како резултат, збирот на донации за добротворни цели се искачи на повеќе од 37,4 милијарди долари откако Бафет, кој на 30 август наполни 90 години, започна да ги дели своите акции во 2006 година.

Бафет и Бил Гејтс во 2010 година формираа The Giving Pledge или таканаречен завет за давање. Станува збор за иницијатива чија цел е да ги поттикне милијардерите низ светот да донираат дел од своето богатство во филантропски цели.

Фото: Freepik