Банките во Романија се меѓу најпрофитабилните финансиски институции во Европската унија, откако се ослободија од лошите кредити, пишува Romania Insider.
Тамошниот банкарски систем имаше поврат на капитал (ROE – return on equity) од 13,5% во првиот квартал од оваа година, што е двојно повеќе од европскиот просек. Стапката на поврат на средства достигна 1,59%, што е четири пати над просекот во ЕУ.
Банките во евро зоната контролираат речиси 80% од банкарскиот систем во Романија, но локалните подружници се повеќе профитабилни од некои од големите банки во Европа. На пример, банките во Австрија, Франција и Италија имаат стапка на профитабилност што е за два до четири пати пониска од банките во Романија.
Во 2015 година, банките во Романија остварија рекордна добивка од околу една милијарда евра.
