Германскиот хемиски гигант BASF објави дека очекува остар пад на профитот и приходите оваа година, наведувајќи ја слабата побарувачка од клиентите во индустријата.
Кога ќе се исклучат посебните ставки, добивката пред камати и даноци (EBIT) годинава треба да изнесува од 4,0 до 4,4 милијарди евра, пресметаа тие, намалувајќи ја претходната проценка за околу 800 милиони евра.
Минатата година тој изнесуваше 6,9 милијарди евра.
Приходите би требало да бидат во опсег од 73 до 76 милијарди евра, што е за околу 10 милијарди евра помалку отколку што очекуваа досега.
Минатата година изнесуваше 87,3 милијарди евра.
Во вториот квартал, прилагодената добивка пред камати и даноци е половина од истиот период лани и изнесува 1,01 милијарди евра. Приходите се намалени за четвртина, на 17,3 милијарди евра.
„Глобалното хемиско производство значително падна во првата половина на 2023 година“, се вели во соопштението на БАСФ во средата, припишувајќи го падот на забавувањето на индустриското производство.
Веќе во октомври минатата година, BASF предупреди на структурно слабата побарувачка во Европа и додаде дека планира да ги намали трошоците. Годинава почнаа да спроведуваат план кој предвидува отпуштања на 2.600 работници во европските погони.
Компанијата забележува дека претпоставува „привремено закрепнување“ во втората половина бидејќи глобалната побарувачка за стоки за широка потрошувачка ќе биде послаба од очекуваното.
Клучна улога ќе има Кина, која сочинува повеќе од 40 отсто од светската побарувачка за хемикалии, но чија економија полека закрепнува од последиците од строгите мерки за сузбивање на пандемијата.
