Главниот град на Србија ќе добие мрежа од паметни телефонски говорници, а првите 50 ќе бидат поставени во централните општини во Белград во рамки на проект за дигитализација на телефонските говорници, пренесува РТС.
Проектот опфаќа замена на 100 говорници во централните општини во Белград, а во рамки на првата фаза, чија вредност е 2,5 милиони евра, на есен ќе бидат заменети првите 50 говорници.
Овие телефонски говорници, освен телефонски повици, ќе нудат и бесплатен интернет, СОС повици, полнење на мобилни уреди.
Паметните говорници на интерактивен екран, чувствителен на допир, ќе даваат информации за градски сервиси, мапа на градот и линии за градски превоз, како и туристичка и културна понуда на градот.
Фото: Freepik
