Горивата од ноќеска на полноќ добиваат нови цени, одлучи Регулаторната комисија за енергетика.
Бензинот Еуросупер БС 95 ќе се продава по цена повисока за еден денар и ќе чини 71,50 денари. За 1,50 денари поскапува Еуросупер БС 98 и истиот ќе се продава за 73,50 денари за еден литар.
Малопродажните цени на Еуродизел (Д-Е V) и на Екстра лесното масло за домаќинство (ЕЛ-1) се намалуваат за 0,50 денари за литар и ќе изнесуваат 56,50 ден/лит за дизел горивото, а на Екстра лесното масло за домаќинство (ЕЛ-1) изнесува 45 ден/лит.
Малопродажната цена на мазутот М-1 НС се зголемува за 0,053 ден/кг и со тоа новата цена изнесува 27,816 ден/кг.
