Ова платно е замотано како тепих, се одмотува на самото место каде што треба да се постави, се полева со вода и на тој начин се добива бетон, пишува порталот Gradnja.rs.
Бетонското платно има три слоја: материјал од влакна на врвот, специјална бетонска мешавина на армиран мрежа од влакна и PVC слој на дното којшто обезбедува водоотпорност. Платното може да се полева со вода или целосно да се потопи во водата. Штом еднаш платното дојде во контакт со вода, мрежата од влакна го армира бетонот и со тоа спречува да се појават пукнатини, а ја обезбедува и потребната пластичност на бетонот.
Ова бетонско платно може да се најде во три големини: 5,8 и 13 милиметри. Може да се користи за различни градежни активности, како што се правење канали, изградба на базени и слично.
Материјалот е развиен во Велика Британија уште пред десет години од страна на инженерите Питер Брувинг и Вил Крафорд, но бетонското платно почна да се користи од неодамна.
Во споредба со класичните бетонски решенија, ова платно е побрзо, поедноставно и поевтино за поставување. Освен тоа, отпорно е на вода и пожари.
