Ако Русија го прекине снабдувањето со природен гас за Европската унија, Хрватска ќе може да наполни до 30 отсто од складиштето за гас, процени Европската мрежа на преносни системи за оператори за гас (ENTSOG), која ги обединува компаниите за транспорт на гас од ЕУ, пишува Јутарњи лист.
Весникот наведува дека во извештајот се истакнува дека во случај на прекин на испораките на руски гас, повеќето членки на ЕУ нема да можат да постигнат повеќе од 80 отсто од планираното надополнување на испораките на гас, со значителни отстапувања меѓу нив.
Хрватска, заедно со Литванија, Полска, Чешка, Словачка, Унгарија, Австрија, Словенија, Бугарија и Романија, е една од земјите-членки на ЕУ во поделбата ENTSOG која најтешко ќе го надмине можното руско ембарго за извоз на гас во ЕУ.
