Бил Гејтс на одмор во Црна Гора

0

Првиот човек на Microsoft, Бил Гејтс заедно со своето семејство летува во Црна Гора, пишува порталот Café del Montenegro.

Гејтс летува на црногорското приморје заедно со семејството и неговиот пријател Даниел Снајдер. Тој е американски милионер, мнозински сопственик на американскиот фудбалски тим Washington Redskins, како и основач на компанијата Snider Communications.

Иако доаѓањето на Гејтс предизвика голем интерес, сепак во тајност се држат детали околу тоа каде се капе, каде се сонча и каде е сместен.

Инаку, Гејтс и Снајдер пловат со јахтата Lady S, додека во нивна придружба е уште една јахта и хеликоптер.

Компанијата Feadship оваа година ја произведе јахтата Lady S, чија внатрешност ја дизајнираше компанијата Reimond Langton Design. Јахтата има седум соби и еден мастер апартман, како и четири ВИП салони. Исто така, има и посебен луксузно опремен дел наменет за екипажот.

Фото: Facebook