Крипто компанијата Binance се проширува на нови пазари дури и кога целата индустрија се бори со превирањата предизвикани од спектакуларниот колапс на крипто берзата FTX.
Најголемата светска берза за криптовалути ја купи, имено, Sakura Exchange BitCoin (SEBC), криптовалута регистрирана во Јапонија, објави Binance на својата веб-страница во средата.
Договорот ќе му овозможи на Binance да влезе во третата по големина економија во светот како регулиран ентитет.
Стекнувањето на SEBC ја означува првата лиценца за Binance во Источна Азија, соопшти компанијата. Таа не ги откри условите на трансакцијата.
„Ние активно ќе работиме со регулаторите за да ја развиеме нашата комбинирана размена на начин што е усогласен за локалните корисници“, рече Такеши Чино, извршен директор на Binance Japan. „Сакаме да и помогнеме на Јапонија да преземе водечка улога во светот на крипто.
Стекнувањето доаѓа кога индустријата за дигитални средства се бори со финансиската зараза предизвикана од падот на FTX, пренесува CNN, додавајќи дека минатиот месец, основачот и извршен директор на Binance, Чангпенг Жао, му понудил спас на Сем Банкмен-Фрид, основач на FTX, кој некогаш бил еден од најпочитуваните лидери во индустријата.
Но, Binance речиси веднаш отстапи, велејќи дека по прегледот на финансиите на FTX, заклучил дека проблемите на компанијата се „надвор од нашата контрола или способност да помогнеме“.
Договорот брзо се распадна, отворајќи го патот за банкрот на FTX и оставка на Bankman-Fried.
Жао подоцна објави дека неговиот тим ќе основа „фонд за обновување на индустријата, за да им помогне на проектите кои инаку се силни, но во криза со ликвидност, за да се ублажи понатамошната штета од колапсот на FTX“.
Во виртуелен настап на Самитот DealBook на Њујорк Тајмс во средата, Банкмен-Фрид рече дека „никогаш не се обидел да измами никого“, притоа признавајќи дека „зафркнал“.
Има работи кои би ги направил повторно“, вели 30-годишникот. „Бев шокиран од она што се случи овој месец.
