Менаџерскиот тим на битолската печатница АД Киро Дандаро јавува дека го зголемиле извозот на своите производи во странство.
Како што велат извозот е реализиран во државите од Балканот, односно на традиционалните пазари и за повеќе индустриски гранки.
“Споредено со минатата година, извозот е зголемен за 30%. Печатницата оствари извоз во висина од 4,2 милиони евра кои во најголем дел ги обезбедивме благодарение на производството на флексибилна амбалажа за прехранбената и индустријата за пиво, потоа фабриките за производство на минерална вода и други компании”, изјави Драги Милошевски, менаџер на печатницата АД Киро Дандаро.
Најмногу од производите биле извезени во Србија, Албанија, Косово, Босна и Херцеговина и Хрватска, додека мал дел од производството и во Грција.
“Нашите намери се да реализираме една голема инвестиција, но се уште се воздржуваме затоа што во регионот не е поволна генералната економска ситуација, иако има поволни кредити кои се нудат преку Европската кредитна банка со кои се врши враќање на средствата и до 15 проценти”, вели Милошевски.
Печатница АД Киро Дандаро – Битола моментално брои околу 200 вработени.
