Германскиот производител на автомобили БМВ планира долгорочно да вработи околу 3.000 работници во својата нова фабрика за склопување батерии во градот Штраскирхен во Долна Баварија.
Според германските медиуми, новата фабрика на БМВ треба да се гради на површина од околу 60 хектари. Таму ќе се произведуваат до 330.000 високонапонски батерии годишно за погоните на производителот на автомобили во Минхен и Регенсбург, според списанието Fenix.
Од 2026 година, BMW има намера да ја прошири фабриката за батерии за уште 45 хектари во втората фаза на изградба и со тоа да го удвои производниот капацитет. Фабриката за монтажа првично ќе вработи околу 1.600 работници, но околу 70 отсто од нив ќе се преселат во Штраскирхен од другите подружници на BMW.
Просечната бруто годишна плата (со полно работно време) за позицијата монтажер во BMW Group е 40.900 евра. Во зависност од искуството, степенот на образование, локацијата и други фактори, платата може да се движи од 26.400 евра до 64.700 евра.
Просечната плата на работникна на производствената линија во Германија е 3.268 евра месечно.
Врз основа на 4.423 извештаи за плата, просечната плата во BMW Group се движи од 13.000 евра за позицијата „приправник“ до 149.200 евра за позицијата „менаџер за корпоративен развој“.
Фото: Pixabay
