На Волстрит цените на акциите нагло пораснаа бидејќи новите економски показатели ги поттикнаа шпекулациите дека американската централна банка нема да ги зголеми каматните стапки на нивоата што ги очекуваа нејзините лидери. Dow Jones зајакна 1,26 отсто, на 34.408 поени, додека S&P 500 порасна за 1,22 отсто, на 4.425 поени, а Nasdaq индексот 1,15 отсто, на 13.782 поени.
S&P 500 и Nasdaq се искачија на своите највисоки нивоа во последните 14 месеци благодарение на серијата податоци – за растот на трговијата на мало, стагнантните барања за невработени и остриот пад на цените на увозот што ги поттикна шпекулациите дека ФЕД нема да ги зголеми каматните стапки на нивоата очекуваат нејзините лидери.
„Инвеститорите не веруваат дека ФЕД ќе биде толку агресивен“
Ден претходно на редовната седница ги задржаа каматните стапки непроменети во интервал од 5 до 5,25 отсто, но нивните прогнози покажаа дека до крајот на годината очекуваат уште најмалку две зголемувања на каматите, во интервал од 5,50 до 5,75 проценти. Пазарот не верува во тоа.
На европските берзи се тргува внимателно
На пазарот на пари сега се проценува дека има околу 67 отсто шанси ФЕД да ги зголеми каматните стапки за уште 0,25 процентни поени во јули, а дека може да почне да ја намалува цената на парите во декември.
И на европските берзи се тргува внимателно, откако Европската централна банка дополнително ги зголеми каматните стапки за 0,25 процентни поени. Лондонски FTSE индекс зајакна за 0,34 отсто, на 7.628 поени, но франкфуртски DAX се лизна за 0,13 отсто, на 16.290 поени, а париски CAC 0,51 отсто, на 7.290 поени.