Браќа Пивац не го продаваат својот удел во Краш на српски бизнисмен

45

Месната индустрија Браќа Пивац ги демантираше написите на одредени медиуми во Хрватска и Србија дека го продава својот сопственички удел во кондиторската компанија Краш на српскиот бизнисмен Небојша Шарановиќ, односно на неговата компанија Kappa Star Limited.

“Тие написи се апсолутно неточни. Ваквите гласини се неточни тврдења “, изјави за Јутарњи лист, Ивица Пивац, косопственик и претседател на семејната компанија Браќа Пивац.

Тој изјави дека месната индустрија Браќа Пивац, откако првпат започнала да купува акции на Краш пред десет години, тоа го прави затоа што верува дека Краш е вредна и просперитетна компанија со голем потенцијал.

“Нашата цел и интерес како мнозински сопственик на Краш е понатамошно зајакнување и развој, а не продажба“, додава Пивац.

Месната индустрија Браќа Пивац има учество од повеќе од 52% во Краш.

Фото: Facebook