„Го следиме планот за еврото“, рече Асен Василев, бугарскиот министер за финансии, по состанокот со Кристин Лагард од Европската централна банка, претседателот на еврогрупата Паскал Донаху, комесарот за економија Паоло Џентилони и комесарот за трговија Валдис Домбровскис на крајот од минатата недела.
„Сите прогнози – и од Европската комисија и од ЕЦБ покажуваат дека последниот критериум што не го исполнивме – критериумот за инфлација – ќе биде исполнет во 2024 година, со што членството ќе се отвори во 2025 година“, додаде Василев.
Според него, придружувањето на еврозоната бара стабилна политичка атмосфера и регуларна влада.