Цената на среброто се зголеми за повеќе од четири проценти, на рекордни околу 51 долар (околу 44 евра) за унца, првенствено поради зголемената побарувачка на инвеститорите за побезбедни средства.
Ова го продолжи растот на цената на овој скапоцен метал, надминувајќи го претходниот врв забележан во 1980 година, објави вчера „Трејдинг економикс“.
Среброто е во пораст за повеќе од 70 проценти оваа година, надминувајќи го златото, што е предизвикано од фискалните ризици во Соединетите Американски Држави, потенцијалот за пониски каматни стапки, прашањата за независноста на Федералната резервна банка (ФЕД) и неодржливите нивоа на глобални дефицити и долгови.
