Европските берзански индекси денес се нерамномерни, цените на нафтата и златото се зголемија, додека пазарите очекуваат податоци за невработеноста и индустриското производство во Еврозоната, кои ќе бидат објавени во 11 часот.
Денес во 9:15 часот, индексот DAX на Франкфуртската берза порасна за 0,15 проценти на 24.230,90 поени, францускиот CAC 40 за 0,23 проценти на 7.822,62 поени, додека лондонскиот FTSE 100 падна за 0,25 проценти на 9.142,75 поени, а московскиот MOEX за 1,23 проценти на 2.936,59 поени.
Вредноста на американскиот берзански индекс Dow Jones порасна за 1,04 проценти на 44.922,27 поени, индексот S&P 500 порасна за 0,32 проценти на 6.466,58 поени, а вредноста на индексот Nasdaq за 0,14 проценти на 21.713,14 поени.
Европските фјучерси за гас за септември беа продадени на отворањето на берзата TTF по цена од 32,875 евра за мегават-час. Според моменталните податоци од берзата, цената на суровата нафта се искачи на 63.066 долари, а цената на нафтата од типот Брент се искачи на 65.983 долари.
Цената на златото се искачи на 3.364,53 долари за унца, а цената на пченицата падна на 5,0607 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,16866 долари, што е за 0,22 проценти помалку отколку на почетокот на тргувањето.