Берзанските аналитичари предупредуваат дека неизвесноста за новиот вид на вирус веројатно ќе продолжи да влијае на однесувањето на инвеститорите и движењата на пазарот. Засега се проценува дека нема да се повтори сценариото од петокот, кога се појавија вестите за новиот вид, и кога европските индекси паднаа за повеќе од три отсто, а американските за над два отсто. На почетокот на неделата беа објавени вести за досега благите случаи на болести предизвикани од омикрон, што би значело дека нема да има посериозни потреси во економијата. Засега делуваше смирувачки на берзата, па од понеделникот индексите почнаа да растат.
Ќе бидат потребни денови, па и недели експертите да ја проценат сериозноста на новата варијанта на корона вирусот омикрон, но во меѓувреме, економистите на Голдман Сакс (ГС) проценија четири можни сценарија и нивното последователно влијание на пазарот.
Во првото „надолно“ сценарио, Омикрон се пренесува побрзо од Делта сојот и исто така повеќе го избегнува имунитетот против инфекции, но само малку повеќе го избегнува имунитетот против хоспитализација и предизвикува слично тешка болест, се вели во анализата на Голдман Сакс, пренесе Ројтерс.
Во ова сценарио, глобалниот раст во првиот квартал се забавува на 2 отсто квартална годишна стапка, 2,5 процентни поени под тековната прогноза на Голдман Сакс, а растот во 2022 година како целина е 4,2 отсто, 0,4 процентни поени под тековната прогноза.
Во второто и помалку веројатно „сериозно надолно“ сценарио, и тежината на болеста и имунитетот против хоспитализацијата се значително полоши отколку за Делта. Во ова сценарио, глобалниот раст е значително помал отколку во првото надолно сценарио.
Во третото сценарио „лажна тревога“, омикрон се шири побавно од Делта сојот и нема значајно влијание врз глобалниот раст и инфлацијата.
Во четвртото „наопаку“ сценарио, омикрон е малку повеќе пренослив, но предизвикува многу помалку тешка форма на болеста.
Голдман Сакс не прави промени во нивните прогнози поврзани со омикрон додека веројатноста за овие сценарија не станат малку појасни, напишаа економистите на Голдман Сакс.
