Чиле најголем извозник на грозје, Македонија 27-мa во светот

15

Извозот на свежо грозје минатата година се позиционираше на скоро девет милијарди долари.

Најголем дел од извозот го зазема Чиле со 1,2 милијарди долари. Втор најголем извозник во светски рамки е Холандија со 984 милиони долари, додека трет најголем извозник на грозје се САД со 926 милиони долари.

Меѓу топ 10 најголеми извозници на грозје се и: Италија (795 милиони долари), Перу (763 милиони долари), Кина (689 милиони долари), Јужна Африка (570 милиони долари), Шпанија (398 милиони долари), Хонг Конг (369 милиони долари) и Австралија (306 милиони долари).

Од земјите во регионот, со најдобра позиција (15-та во светот) е Грција со извоз на грозје во вредност од 110 милиони долари. Словенија е на 22-ро место со извоз на грозје во висина од 34 милиони долари, а Македонија е 27-ма со извоз од 15,2 милиони долари. Бугарија е 54-та со извоз од 1,3 милиони долари, додека две места подолу е Босна и Херцеговина со околу еден милион долари. Црна Гора и Србија се на 62-ро односно 63-то место со извоз од околу 800.000 долари. Хрватска од извоз на грозје лани заработи 138.000 долари и се позиционираше на 76-та позиција.

Фото: Pixabay