Црногорското министерство за надворешни работи и предложи на Владата од следната година да воспостави институт за економски амбасадори кои ќе работат на економска промоција на Црна Гора на меѓународен план.
Како што се наведува, економските амбасадори ќе бидат од редот на угледни црногорски државјани и инвеститори кои живеат во земјата и странство, пишува Побједа.
“За неколку приоритетни пазари во дипломатските претставништва, во соработка со други државни институции ќе одредиме претставници кои ќе се занимаваат со економска дипломатија. Ќе се воспостави поблиска соработка со конзулите во странство”, се наведува во информацијата на Владата.