Романскиот производител на автомобили, Dacia, во мај годинава го оствари својот најдобар резултат на германскиот пазар досега, пишува Romania Insider. Компанијата успеа да постигне 2.5% удел на пазарот со што го надмина дури и јапонскиот гигант Toyota – еден од најголемите светски производители.
Германија го има најголемиот пазар на автомобили во Европа, и воедно е еден од најголемите кадешто Dacia ги пласира своите производи. Романската компанија во мај годинава продаде 7.515 автомобили во Германија, што претставува пораст од 10,7% споредено со мај 2017. Така, Dacia успеа да ја помине и популарната Toyota, кој за истиов период продаде 7.228 возила.
Во првите пет месеци од годината Dacia продаде вкупно 31.200 автомобили во Германија, што претставува зголемување на продажбата од 20% и со тоа си осигура над 2% удел на висококонкурентниот автомобилски пазар.
Инаку најголемиот пазар за автомобили во Европа, германскиот, годинава оствари раст од 2.6% севкупно, и покрај малиот пад изминатиов месец од 5,8%.
Фото: Pixabay
