Многу земји кои зависат од туризмот со причина се загрижени како ќе изгледа летната туристичка сезона во 2020 година. Се претпоставува дека падот на прометот ќе изнесува најмалку 60%, меѓутоа Италијанците активно размислуваат за тоа како да се спаси сезоната.
Ако ограничувањата се укинат во текот на летото, дали ќе им биде дозволено на луѓето да одат на плажа, и ако е така, како ќе изгледа таа нова реалност?
Постојат неколку работи кои е потребно да се обезбедат оваа година на плажите, но најважно е да се гарантира социјалната дистанца меѓу капачите.
Компанијата од Римини, Nuova Neon 2, специјализирана за кровови, штандови и прозори осмисли како безбедно може да се оди на плажа. Тие предлагаат монтажна транспарентна кабина со големина 4,5×4,5 метри, изработени од плексиглас и алуминиумски профили.
Во преградите во форма на коцка, може да се сместат две лежалки и чадор, а останува и слободно место за луѓето да се движат.
Фото: Facebook
