Деловната активност во еврозоната порасна во април бидејќи силното закрепнување во услужниот сектор ги компензира слабите перформанси во индустријата, објави S&P Global во истражувањето.
Индексот на менаџери за набавка (PMI) во приватниот сектор на еврозоната порасна во април за 1,1 поен во однос на март и изнесува 51,4 поени, што е показател за раст на активноста, покажуваат прелиминарните пресметки на Хамбуршката комерцијална банка (HCOB), кој составува извештаи за S&P Global.
„Еврозоната добро започна во вториот квартал.
Трендот треба да се прошири и во наредните месеци, имајќи ја предвид зголемената побарувачка за услуги во изминатите два месеци, што се претвори во „храбри“ планови за вработување, посочуваат од S&P.