Во Велика Британија денеска почнува тридневен самит на групата седум индустриски најразвиени земји. Во групата позната како Г7 се САД, Британија, Канада, Франција, Германија, Италија и Јапонија. Ова е првиот што се одржува во живо од избувнувањето на пандемијата.
Лидерите на Г7 на самитот ќе ветат дека ќе дистрибуираат милијарда вакцини против Ковид-19.
Лидерите на седумте најразвиени индустриски земји во светот ќе имаат прием и со британската кралица Елизабета Втора.
За американскиот претседател Џозеф Бајден, италијанскиот премиер Марио Драги и јапонскиот премиер Јошихиде Сугу, ова ќе биде прво учество на самитот на Г7. Од друга страна, ова е последен ваков собир за германската канцеларка Ангела Меркел и можеби за францускиот претседател Емануел Макрон.
Самитот ќе трае до недела 13 јуни.
Фото: Facebook
