Доктор Пропаст: На пазарот има многу меури пред пукање

85

Нуриел Рубини, економистот познат како “Доктор Пропаст“ поради неговите песимистички погледи на пазарот, рече дека пазарите се екстремно пенливи и дека учесниците преземаат премногу ризици.

“Се наоѓаме во ситуација кога финансиските пазари се крајно пенливи. Гледаме широка пена, меурчиња, ризикување и задолженост“, вели Рубини.

Рубини истакна дека берзата се движеше со циклично прилагоден сооднос на PE (Price to Earnings) “што не сме го виделе од 1999 или 2000 година кога пукна меурот“ и дека меурчињата сега се видливи во криптовалутите и хеџ фондовите.

На прашањето што може да биде иницијалната капсула што ќе предизвика тој меур да пукне на еден од пазарите, Рубини истакна дека експериментот на ФЕД и Министерството за финансии за масовни фискални и монетарни стимулации може да доведат до прегревање на економијата.

Економистот рече дека ако приносот на десетгодишните обврзници се искачи над 2% до крајот на годината, тоа би предизвикало зголемување на реалните приноси и би можело да биде “шок што всушност влијае на американските пазари на капитал на глобално ниво“.

Рубини смета дека во следните две или три години може да се забележат “серија негативни шокови во понудата“, што може да доведе до “инфлација, а потоа и стагфлација“.

Професор од Универзитетот во Њујорк, истакна дека тензиите меѓу Соединетите Држави и Кина, “деглобализацијата“ и стареењето на населението во напредните економии, може да го “намалат потенцијалниот раст“ и “да ги зголемат трошоците за производство“, што ќе доведе до зголемување на инфлацијата многу над плановите на централната банка.

Тој исто така го коментираше неодамнешниот колапс на фондот Archegos и изјави дека најверојатно и друга семејна канцеларија ќе експлодира, со оглед на преземањето ризици на сегашниот пазар.

Фото: Pixabay