Hа валутните пазари, вредноста на доларот во однос на кошничката валути нагло падна, по веста дека кинеските регулатори им советуваа на своите финансиски институции да ги ограничат инвестициите во американски обврзници поради ризикот од преконцентрација и нестабилност на пазарот.
Индексот на доларот, кој ја покажува вредноста на американскиот долар во однос на другите шест најважни светски валути, утрово е околу 96,79 поени, додека вчера во ова време беше 97,62 поени. Во исто време, курсот на доларот во однос на јапонската валута се лизна од вчерашните 156,55 на 155,25 јени.
Американската валута исто така ослабе во споредба со европската, па цената на еврото достигна 1,1905 долари, додека вчера во ова време беше 1,1835 долари. Цените на нафтата, од друга страна, изгубија дел од вчерашните добивки. На лондонскиот пазар цената на барелот утрово падна за 0,23 проценти, на 68,90 долари, додека на американскиот пазар цената на барелот се намали за 0,34 проценти, на 64,15 долари.