Доларот по 20 години на највисоко ниво во однос на еврото

81

По најавата на Федералните резерви (ФЕД) за зголемување на референтната каматна стапка за 0,75 процентни поени, доларот зајакна и се искачи на највисокото ниво во однос на еврото во последните 20 години.

Доларот достигна 0,9814 за евро за прв пат од крајот на октомври 2002 година, неколку месеци по официјалното воведување на единствената европска валута.

Да потсетиме, не долго по воведувањето на еврото и откако беше пуштено во оптек во 2002 година, вредноста на доларот започна постојан пад на светската сцена.

Откако вредноста на еврото почна да расте од март 2002 година, американскиот буџетски дефицит почна да се зголемува. До крајот на 2004 година, доларот падна на најниската вредност во однос на другите валути, особено во однос на неговиот нов ривал, еврото.

Еврото се искачи на околу 1,36 долари за прв пат кон крајот на декември 2004 година, што направи голема разлика од неговата ниска вредност во првите месеци од 2003 година.