Фото: Pixabay
Сезоната на летни одмори започна, а со тоа и потребата за здрав и добар изглед на вашата кожа.
Со малку време и волја можете сами да подготвите домашни пилинзи, кои ќе ја направат вашата кожа сјајна, здрава и мека на допир.
Ванила и лаванда
За овој пилинг потребни се две лажички шеќер, една шолја масло од грозје, една лажичка екстракт од ванила и 12 капки масло од лаванда. Сето тоа добро промешајте го. Ставете го во сад и искористете го во рок од една недела. Нанесувајте три пати неделно.
Шеќерен пилинг
Потребна е една шолја шеќер (бел или кафен) и во него ставете четвртина шолја маслиново или кокосово масло. Добро измешајте и користете само една лажица за цело тело.
Пилинг од кафе
Кафето ја дава потребната влажност на кожата и ќе ја направи мека и мазна, а ќе ги отстрани мртвите ќелии. За овој пилинг ви треба четвртина шолја мелено кафе и шеќер. Промешајте ги додадете две лажици маслиново масло.
Лимон и шеќер
Ова е можеби најдобриот пилинг за отстранување на мртвата кожа. Земете шолја шеќер и во неа ставете една лажичка сок од лимон и шест лажици бадемово масло. Нанесете на кожата, почекајте неколку минути, па потоа отстранете го пилингот.
