Достапен Volkswagen на струја доаѓа во 2025 година, ќе чини 20.000 евра

67

Volkswagen го претстави концептoт на идниот основен електричен модел ID.Life на салонот во Минхен.

Германскиот производител започна масовно производство на електрични автомобили со компактниот хечбек ID.3, кој има амбиција да го замени Golf со SUS мотори, а сега најави уште еден достапен модел кој ќе пристигне во продажните салони во 2025 година.

Концептот ID.Life го најавува овој нов, суб-компактен автомобил кој ќе заземе позиција под ID.3 во гамата на VW.

За разлика од ID.3, кој има погон на задните тркала, концептот Life е конструиран како електричен автомобил со погон на предните тркала.

Монтиран е на истата механичка платформа MEB, која е изменета за да ја прилагодат на градскиот автомобил.

Електричниот мотор испорачува завидни 234 коњски сили (172 kW) и 290 Nm за автомобил со ваква големина, а забрзувањето до 100 км / ч се реализира за само 6,9 секунди.

Максималната брзина е 180 км / ч.

VW ID. Life ја добива потребната електрична енергија од батерија со употреблив капацитет од 57 kWh (и вкупно 62 kWh), додека автономијата на возење е околу 400 километри (според циклусот на мерење WLTP), што е сосема доволно за возило што е главно наменето за движење низ градот.

Ако се полни со брз DC полнач, 10 минути се доволни за батеријата да добие доволно енергија за следните 163 километри.

Volkswagen наведува дека ID.Life е замислен како „градски автомобил со карактер на кросовер“, за што сведочи растојанието од земјата од 190 мм.

Со димензии 4091/1845/1599 mm, ID. Life е поудобен и простран од Volkswagen Polo, чија електрична алтернатива ја претставува.

Иако е значително пократок од Golf, ID.Life има поголемо меѓуоскино растојание (2650 mm) од бестселерот на Volkswagen, додека максималниот багажен простор е 1.285 литри со преклопени седишта.

Инаку, задниот багажен простор има 225 литри, додека во подот на багажникот има уште 108 литри, а под предната „хауба“ дополнителни 68 + 8 литри.

VW ID.Life е уште едно во серијата концептни возила кои ги заменија стандардните надворешни ретровизори со мали камери, а едно од интересните дополнувања е проекцискиот екран кој се протега преку внатрешната површина на предното ветробранско стакло, со кој се добива конзола за игри.

Volkswagen ќе го претстави концептот ID.Life на јавноста на саемот во Минхен во главниот град на Баварија оваа недела.

Производната верзија е објавена за 2025 година, а предвидената почетна цена ќе биде 20.000 евра, додека богато опремената копија ќе чини 25.000 евра.

За споредба, најевтиниот VW ID.3 во Германија чини 35.460 евра.