Жителите на Дубаи, кои наместо автомобили ќе користат јавен превоз за да стигнат до посакуваната дестинација, ќе имаат можност да добијат исклучителна награда – четири килограми злато.
Агенцијата за транспорт и патишта на Дубаи организира повеќе настани како дел од одбележување на Денот на јавниот транспорт, први ноември, со цел да ги мотивираат луѓето да ги остават автомобилите и да користат јавен превоз, пренесува BBC.
Дубаи е земја со една од највисоките стапки на користење на автомобили, а едно просечно семејство користи по 2,3 автомобили. Податоците велат дека само 13% од жителите на Дубаи користат јавен превоз.
Активностите во текот на седумдневната манифестација ќе вклучат и различни настани и натпревари, кои ќе бидат организирани на метро станиците и автобуските постојки, а меѓу познатите учесници е кошаркарската ѕвезда Кареем Абдул Јабар.
Прославата започнува на 26-ти октомрви и ќе трае една недела, а оние граѓани кои ќе го користат јавниот превоз ќе се борат за вредни награди.
