![dubrovnik-5026272_640](https://biznisinfo.mk/wp-content/uploads/2024/07/dubrovnik-5026272_640.jpg)
Годинава два милиони туристички ноќевања се забележани во Дубровник на 16 јули, 11 дена порано од лани.
„Директен придонес за овој резултат даде одличниот претсезонски и стабилен раст на туризмот во сезоната“, велат од градската управа на Дубровник.
Дубровник, како што нагласија, го продолжува својот пат кон трајна одржливост со бројни иницијативи и усвојување на рамка за стратешко планирање, пренесува SEEbiz.
Според податоците од системот еВизитор, во Дубровник моментално одмараат околу 23.500 гости, што е за четири отсто помалку од истиот период лани, додека од почетокот на годината се забележани 15 отсто повеќе пристигнувања.