Volvo се соочува со огромни загуби што ќе го принудат да преземе радикални чекори.
Во вториот квартал, шведскиот производител ќе мора да сноси еднократен, непаричен надомест за обезвреднување во износ од една милијарда евра. Овој удар е резултат на голем број финансиски проблеми, вклучувајќи го воведувањето царини за возила произведени во Кина, но и неуспешното лансирање на електрични модели.
Огромни царини
Особено погодени се новите модели како што е ES90, за кој Volvo рече дека високите царини спречиле профитабилна продажба во Соединетите Држави. Според неодамнешните извештаи, електричните возила произведени во Кина сега подлежат на царини високи до 247,5% кога се увезуваат во САД. Нема сомнение дека иднината на наследникот на S90 е во опасност.
И Европската Унија се обидува да ги заштити сопствените производители од конкуренцијата од Кина со воведување сопствени царински мерки. Како што објасни Volvo, маржите за ES90 на европскиот пазар се исто така пониски од истите причини.
Дали EX90 ќе биде неуспех?
Volvo потврди дека EX90 ќе има „намалена профитабилност во текот на целиот животен век“. „Значителните одложувања на лансирањето и дополнителните трошоци за развој“ се издвојуваат како главни фактори. Електричниот SUV беше претставен за прв пат во ноември 2022 година, како „почеток на нова ера за Volvo Cars“. На крајот, лансирањето беше одложено за 2024 година поради проблеми со софтверот.
Во првите шест месеци од 2025 година, во САД беа продадени само 1.972 EX90. За споредба, Волво продаде 3.004 единици од XC90 и 2.421 единици од XC60 само во јуни.
Во Volvo не се откажуваат. Извршниот директор на Волво Карс, Фредерик Хансон, вели: „Со оглед на развојот на пазарот, како што се увозните тарифи во САД, одложувањата во развојот и лансирањето на EX90 и стратешките инвестициски приоритети, мораше повторно да ги процениме очекуваните количини на производство за тие два модели. Ова резултираше со пониска од планираната профитабилност во текот на нивниот животен циклус.“
Како светла точка, тие истакнуваат дека EX90 сепак овозможи значителен скок во развојот на платформата за возила од новата генерација во рамките на долгорочната стратегија за електрификација.
Послаба продажба
Volvo Cars објави глобална продажба од 62.858 автомобили во јуни, што е намалување од 12 проценти во однос на истиот период минатата година. Вкупната продажба за периодот од јануари до јуни изнесуваше 353.780 автомобили, што е намалување од 9 проценти во споредба со истиот период во 2023 година.