Многумина од нас честопати посакуваат да дремнат малку во текот на напорниот работен ден.
Токму оваа идеја архитектите од NL Studio со седиште во Коропи, Грција ја преточија во реалност создавајќи го 1.6 S.M. of Life Desk, стилизирано работно биро што се трансформира во кревет, пишува Бизнис Инсајдер.
Ова уникатно парче мебел, чии димензии се 2 на 0,8 метри е наменето да обезбеди место за одмор за сите оние на кои им е потребно.
Дизајнерот на проектот е Атанасиа Ливадито која вели дека идејата за ова биро ја добила кога студирала и работела во Њујорк.
Прототипот на бирото е направен од лакирано дрво, метал и бела кожа и сè уште не е достапно за продажба.