Дворецот во Версај од локалните власти ќе добие 15 милиони евра итна помош во следните три години откако поради пандемијата регистрираше загуба од 70 милиони евра.
Помошта од пет милиони евра годишно ќе биде употребена за повеќе проекти наменети за одржување и реконструкција на дворецот.
Едно од најпосетуваните туристички места во Франција, Версај минатата година беше затворен 192 дена, па поради тоа прокнижи загуба од 70 милиони евра, бидејќи бројот на посетители од 8,2 милиони во 2019 година се намали на само два милиони минатата година.
Дворецот во Версај веќе добива и 87 милиони евра во следните две години во рамки на јавниот план за закрепнување.
Фото: Pixabay