Почнувајќи од утре па се до 7 ноември во Скопје ќе се одржат четири пилот обуки наменети за консултанти што ги организира Тимот за поддршка на мали бизниси на Европската банка за обнова и развој Македонија, во партнерство со ЕБОР Small Business Support Косово и Албанија.
Обуките ќе ги изведе фирмата The Change Leader од Америка, а на нив ќе присуствуваат регионалните директори на ЕБОР Small Business Support и потенцијални тренери од Велика Британија, Америка, Франција, Ерменија, Египет, Романија, Украина и Русија, како и локални консултанти од Косово, Албанија и Македонија.
Државата има обезбедено бесплатно учество на обуките за вкупно 40 локални консултанти, по 10 за секоја обука.
Обуките се во рамки на иницијативата на ЕБОР за развој на тренинг материјали и обуки наменети за консултантскиот сектор кои ќе бидат користени во наредните пет години во земјите каде оперира ЕБОР и тимовите за поддршка на мали бизниси.
