Една кутија цигари во Австралија чини 18,5, а во Венецуела помалку од едно евро

20

Пушачите во Австралија имаат најголеми трошоци за нивниот порок, бидејќи една кутија цигари Marlboro во оваа земја чини 18,51 евра. Според податоците на Numbeo, една кутија со 20 цигари е најевтина во Венецуела и чини 0,91 евро.

Земји во светот во коишто една кутија цигари надминува 10 евра се и: Нов Зеланд (16,68 евра), Ирска (12,20 евра), Норвешка (12,10 евра), Велика Британија (11,29 евра) и Исланд (10,22 евра).

Од земјите во регионот, најскапи се цигарите во Грција и чинат 4,50 евра. Следна е Словенија каде една кутија од 20 цигари Marlboro се продава по цена од четири евра, па Хрватска со 3,78 евра. Поскапи цигари од земјава имаат и: Црна Гора (три евра), Босна и Херцеговина (2,81 евра), Бугарија (исто толку), Србија (2,64 евра), Косово (2,50 евра) и Албанија (2,47 евра).

Македонија е 74-та во светски рамки со просечна цена на кутија 20 цигари Marlboro од 2,11 евра.

Освен Венецуела, земји со најниски цени на цигарите се и: Пакистан (0,93 евра), Казахстан (0,94 евра) и Виетнам (0,98 евра).

Фото: Pixabay