Филмскиот продуцент Сидни Кимел продаде луксузен еднособен стан на Менхетен за 20 милиони долари, што е половина од сегашната вредност. Станот зафаќа цел кат од познатата зграда во Њујорк, Риц Карлтон, а во декември 2018 година, милијардерот за него побара 39 милиони долари.
Кимел и неговата сопруга го купија овој стан за 22 милиони долари во 2001 година, по што ангажираа архитект и целосно ја сменија внатрешноста.
Станот вклучува спална соба од околу 200 квадратни метри, две тераси, два гардеробера, теретана и две бањи.
Ова е еден од 11-те апартмани во оваа легендарна зграда лоцирана веднаш спроти славниот Централ парк.
Инаку, од 1930 до 1999 година, оваа зграда беше хотел St. Moritz, кој по обемното реновирање беше отворен како Риц Карлтон.
Кимел го стекна своето богатство во трговијата на мало, затапувајќи бројни познати брендови, а неодамна основа и продукциска куќа преку која финансира познати филмови.
Станот на Кимел го опфаќа скоро целиот 27-ми кат на овој хотел и се простира на околу 750 квадратни метри. Во дневната соба има камин, како и широка врата што води кон терасата со поглед кон Централ парк.
Голема библиотека украсена со постери од филмовите на Кимел е исто така поврзана со дневната соба. Огромната трпезарија нуди панорамски поглед на Њујорк, а спалната соба од 200 квадратни метри го опфаќа целото западно крило на станот и е поголема од многу станови во Њујорк.
Фото: Ritz Carlton
