Францускиот биохемичар, Пјер Калежа, дизајнираше еколошка ламба што може да се користи за улично или внатрешно осветлување, а во исто време ја намалува емисијата на јаглерод диоксид, пишува Inhabitat.
Ламбата работи без електрична енергија, а испушта светлина благодарение на зелените алги што се во нејзината внатрешност. Алгите ја создаваат енергијата преку процес на фотосинтеза, бидејќи тие се хранат од јаглерод диоксидот.
Една ламба може да апсорбира околу еден топ јаглерод диоксид од воздухот во период од една година. Исто толкава количина јаглерод диоксид апсорбираат околу 150 до 200 дрвја за една година.
Доколку овие ламби почнат масовно да се произведуваат тоа може да значи голем чекор во борбата против загадувањето.
