Американската ИТ компанија, Epic Games ќе гради научно – образовен центар за развој на напредни технологии во српскиот град Нови Сад, пренесуваат тамошните медиуми.
Станува збор за проект на српската компанија 3Latareal, којашто е членка на групацијата Epic Games.
Инаку, овој американски гигант што вреди околу 15 милијарди долари е препознатлив по видео играта Fortnite.
Центарот, што ќе биде изграден во близина на Универзитетот во Нови Сад, ќе биде наменет за продукција на интерактивни медиуми и истражување и развој на нови технологии, а за три до четири години таму би работеле експерти од областа на уметноста и информатичките технологии.
Фото: Facebook
