Етиопија засади 200 милиони стебла во еден ден

17

Етиопија засади повеќе од 200 милиони дрвја во еден ден, што би можел да претставува светски рекорд.

Целта на иницијативата Green legacy initiative е активно да се бори против уништување на шумите и со тоа да се влијае на климатските промени. Некои државни институции, агенции и слично, биле затворени за да може вработените активно да учествуваат во акцијата.

Податоците на Обединетите нации, како што пренесува BBC, покажуваат дека покриеноста со шуми на Етиопија паднала од 35% на почетокот на 20-от век на нешто над 4% на почетокот на 21-от век.

Во овој момент, светскиот рекорд на засадени стебла во еден ден го држи Индија, каде што во 2016 година, 800.000 волонтери засадија повеќе од 50 милиони дрвја.

Фото: Pixabay