Европските берзи денеска се измешани додека инвеститорите чекаат вести од двете страни на Атлантикот. Германските пратеници неодамна го одобрија фискалниот договор чија цел е да ги поттикне трошоците за одбраната и да го поттикне економскиот раст во најголемата економија во еврозоната, а за утре е закажано парламентарно гласање за реформата на долгот.
Инвеститорите оваа недела најмногу ќе ги интересира одлуката на американската централна банка ФЕД за каматните стапки. Каматните стапки во САД моментално се меѓу 4,25 и 4,5 отсто, а пазарите генерално очекуваат тие да останат на истото ниво, пренесува Ројтерс. Американската централна банка ќе ја објави својата одлука во среда, на 19 март, во вечерните часови.
Покрај оваа одлука, ФЕД ќе објави ажурирани економски проекции кои го покриваат растот на БДП, инфлацијата, невработеноста и каматните стапки.
Франкфуртската берза DAX денеска во 9:30 часот порасна на 22.951,50 поени, московскиот MOEX на 3.252,70 поени, додека британскиот FTSE 100 падна на 8.623,50 поени, а францускиот CAC 40 на 8.010,71 поени.