Европските берзански индекси растат како и цената на златото

14

Европските берзански индекси денеска се главно во пораст, а вредноста на нафтата „брент“ скокна над 82 долари за барел.

Индексот DAX на Франкфуртската берза денеска во 9:15 часот порасна на 16.985,94 поени, лондонски FTSE 100 на 7.573,69 поени, московски MOEX на 3.256,75 поени, додека францускиот CAC 40 падна на 7.680,96 поени.

Вредноста на американскиот берзански индекс Dow Jones порасна на 38.797,38 поени пред денешното отворање на пазарот, додека S&P 500 индексот падна на 5.021,84 поени, а вредноста на Nasdaq индексот на 15.942,54 поени.

Според податоците на берзата, цената на суровата нафта се искачи на 77.219 долари, а на нафтата од типот „брент“ на 82.310 долари.

На отворањето на берзата ТТФ се продаваа европски фјучерси на гас по цена од 25,745 евра за мегават-час.

Цената на златото порасна на 2.024,86 долари за унца (унца е еднаква на 28,35 грама), а цената на пченицата падна на 5,9233 долари за бушел (бушел е 27,216 кг).

Вредноста на еврото во однос на доларот изнесуваше 1,07704, што е приближно исто како и во понеделникот.