Европските и американските берзански индекси денес се во пораст, цените на нафтата, златото и пченицата паѓаат, додека инвеститорите ги анализираат најновите податоци за довербата на потрошувачите во Германија и ги чекаат резултатите од работењето на американскиот производител на напредни чипови Nvidia (Nvidia) за вториот фискален квартал, кои ќе бидат објавени по затворањето на американските берзи.
Дополнително, оваа недела, инвеститорите ќе ги следат и прелиминарните податоци за инфлацијата во Франција, Германија, Италија и други европски земји, како и резултатите на големите компании како што е француската Pernod Ricard, објавува CNBC.
Денес во 9:15 часот, индексот DAX на Франкфуртската берза порасна за 0,03 проценти на 24.181,59 поени, францускиот CAC 40 за 0,33 проценти на 7.735,71 поени, лондонскиот FTSE 100 за 0,25 проценти на 9.288,85 поени, а московскиот MOEX за 0,24 проценти на 2.893,37 поени.