На европските берзи во средата се тргуваше претпазливо, при што берзанските индекси благо паднаа по два дена раст.
Индексот STOXX 600 на водечките европски акции во 9 часот и 30 минути беше во минус за 0,1 отсто, губејќи дел од добивката од претходните два дена.
Утринава лондонскиот FTSE индекс загуби 0,26 отсто, на 8.170 поени, додека франкфуртски DAX се лизна за 0,15 отсто, на 18.105 поени, а париски CAC 0,19 отсто, на 7.615 поени.
И на повеќето азиски берзи цените на акциите пораснаа. Индексот MSCI на азиско-пацифичките акции, без јапонските акции, во 9 часот и 30 минути порасна за 0,7 отсто, добивајќи сила втор ден по ред.
Истовремено, јапонскиот индекс Никеи зајакна за 0,2 отсто, додека цените на акциите во Јужна Кореја и Хонг Конг пораснаа меѓу 1,2 и 2,7 отсто. Тие благо паднаа во Шангај и Австралија.
Растот на повеќето индекси главно се должи на растот на цените на акциите во технолошкиот сектор, поради што, меѓу другото, берзанските индекси во Тајван и Индија достигнаа нови рекордни нивоа.
Така, повеќето азиски берзи го следат вчерашниот раст на Волстрит, кога индексот Dow Jones зајакна за 0,15 отсто, S&P 500 за 0,25 отсто, а Nasdaq за 0,03 отсто.