Цените на акциите на европските берзи пораснаа втор ден по ред, бидејќи инвеститорите се надеваат на забрзување на растот на кинеската економија со оглед на натамошното олабавување на рестриктивните мерки за коронавирусот во таа земја.
Индексот STOXX 600 на водечките европски акции во 9 часот и 30 минути порасна за 0,3 отсто, добивајќи сила втор ден по ред. Но, од почетокот на годинава е во минус за околу 12 проценти.
Лондонски FTSE индекс утринава се зголеми за 0,90 отсто, на 7.540 поени, додека франкфуртски DAX порасна за 0,10 отсто, на 13.985 поени, а париски CAC за 0,11 отсто, на 6.557 поени.
Растот на индексот најмногу се должи на растот на цените на акциите во рударскиот сектор, како и на оние компании кои се повеќе фокусирани на кинескиот пазар, бидејќи инвеститорите се надеваат на забрзување на растот на втората по големина економија во светот. на олеснување на рестриктивните мерки за корона, пренесува Индекс.