Еврото ослабе во однос на доларот на најниско ниво од мај 2025 година денес, 29 септември, бидејќи застојот во разговорите за повторно отворање на Ормутскиот теснец и зголемувањето на цените на нафтата ја зголемија побарувачката за американскиот долар како побезбедно засолниште за инвеститорите.
Според моменталните податоци од берзата Форекс, еврото се продаваше за 1,13465 долари во 10:10 часот наутро, објавува „Трејдинг економикс“.
Инвеститорите истовремено ги анализираа изјавите на претседателката на Европската централна банка (ЕЦБ), Кристин Лагард, и проекциите за инфлацијата во еврозоната, објавува „Танјуг“.
Лагард изјави дека неодамнешното зголемување на инфлацијата сè уште не довело до значителни дополнителни ценовни притисоци низ еврозоната, што укажува дека ЕЦБ не треба да брза со зголемување на каматните стапки.
Инфлацијата во еврозоната е веќе над три проценти, а според пазарните очекувања, би можела да се приближи до четири проценти до крајот на годината.
Економистите генерално очекуваат ЕЦБ да ги задржи каматните стапки непроменети на состанокот на 29 октомври, а потоа да продолжи да ја затегнува монетарната политика во декември, кога ќе бидат објавени нови економски проекции.